ក្រុម Real Madrid លេងស្មើក្រុម PSG ក្នុងលទ្ធផល ២-២ នាការប្រកួតពានរង្វាន់ UEFA Champions League កន្លងទៅ ហើយក៏ធ្វើឱ្យពួកគេឡើងជុំបន្ដព្រមគ្នាផងដែរ។
ការប្រកួតនេះ ក្រុម Real Madrid សម្រុកខ្លាំងរហូតនាំមុខបាន២គ្រាប់មុន ប៉ុន្តែនៅចុងម៉ោងបែរជាភ្លាត់ឱ្យក្រុម PSG តាមស្មើវិញបាន ២គ្រាប់វិញ។ ជាមួយលទ្ធផលនៃការប្រកួត និងទម្រង់លេងនៃក្រុមទាំងពីរនេះដែរ ធ្វើឱ្យលោក Zidane អ្នកចាត់ការក្រុម Real Madrid និយាយថានេះជាប្រកួតជក់ចិត្តមួយសម្រាប់អ្នកគាំទ្រ។ កីឡាករក្រុមទាំងពីរលេងដោយមានស្មារតីជាកីឡា ហើយចប់លទ្ធផលគឺបានស្មើគ្នា ដោយមានគ្រាប់ដល់ទៅ៤គ្រាប់សម្រាប់អ្នកគាំទ្រ។
ក្រុម Real Madrid បានឡើងទៅជុំបន្ដ ប៉ុន្តែមានកីឡាករម្នាក់រងរបួសគឺ Eden Hazard។ របស់ជើងរបស់គេ នៅមិនទាន់ដឹងថាធ្ងន់ធ្ងរកម្រិតណានោះទេ ប៉ុន្តែអ្វីដែលច្បាស់គឺត្រូវការពេលសម្រាកសិន មិនទាន់អាចចូលហាត់ជាមួយក្រុមបានឡើយ។ នេះជាកង្វល់មួយសម្រាប់លោក Zidane ត្បិតអីការប្រកួត El Clasico នឹងមកដល់ក្នុងពេលឆាប់ៗខាងមុខនេះ៕ប្រភព៖ Marca