ក្រុម Real Madrid លេងស្មើក្រុម PSG ក្នុងលទ្ធផល ២-២ នាការប្រកួតវគ្គសន្សំពិន្ទុពានរង្វាន់ UEFA Champions League ។
ក្រុមរបស់លោក Zidane រកគ្រាប់បាល់នាំមុខបាន២គ្រាប់មុនទៅហើយ ប៉ុន្តែនៅចុងម៉ោងបែរជាភ្លាត់របូត២គ្រាប់វិញ ធ្វើឱ្យលទ្ធផលបានត្រឹមស្មើគ្នា ២-២ ប៉ុណ្ណោះ។ តាមលទ្ធផលនេះ ក្រុមទាំងពីរ បានកក់កៅអីឡើងទៅជុំបន្ដដូចគ្នា ដោយក្រុម PSG លេខ១ និង Real Madrid នៅលេខ២ក្នុងតារាង។
ជាមួយការប្រកួតនៅយប់មិញនេះដែរ ក្រុមអធិរាជសបានរបួសខ្សែប្រយុទ្ធសំខាន់ម្នាក់គឺ Eden Hazard របួសកែងជើង។ គេកំពុងស្ថិតក្នុងការតាមដាននៅឡើយ ប៉ុន្តែអាចនឹងធ្ងន់ធ្ងរ ត្រូវការពេលសម្រាកច្រើន។ របួសកីឡាករសំខាន់នេះ អាចនឹងធ្វើឱ្យក្រុម Real Madrid បារម្ភច្រើន ព្រោះថាពួកគេជិតដល់ពេលលេងជំនួប El Clasico ជាមួយក្រុម Barcelona នាខែក្រោយនេះហើយ៕ប្រភព៖ Dailymail
