Manchester United ប៊ិះតែនឹងបរាជ័យក្រោមថ្វីជើងរបស់ Sheffield United កាលពីយប់មិញ ប៉ុន្តែត្បិតត្រឹមទទួលលទ្ធផលស្មើក៏ក្រុមនៅតែទទួលការរិះគន់ដដែល ព្រោះលេងជាមួយក្រុមកម្រិតមធ្យមគួរណាតែអាចយកបាន ៣ ពិន្ទុ។ 
ភាពមិនស៊ីចង្វាក់នៃប្រព័ន្ធលេងរបស់ United ត្រូវបានគេលើកប្រៀបធៀបនូវទំហំប្រាក់ពលកម្មដែល Sheffield ទទួលបានក្នុងមួយឆ្នាំៗ ធៀបនឹងកីឡាករខ្ចីជើង Alexis Sanchez [បច្ចុប្បន្នខ្ចីជើងឲ្យ Inter]។
យោងតាម Spotrac បានឲ្យដឹងថាត្បិតដាក់ឲ្យខ្ចីជើងទៅក្លឹបអ៊ីតាលី តែ United នៅចាយអស់ ១៦,៥ លានផោន/ឆ្នាំលើថ្លៃពលកម្មរបស់ Sanchez នេះបើធៀបនឹងកីឡាកររបស់ Sheffield ទាំងមូលគឺមួយឆ្នាំចាយអស់ត្រឹម ១៤ លានផោនប៉ុណ្ណោះ។
រំឭកថាបើនិយាយដល់ទំហំចាយវាយសរុបលើថ្លៃពលកម្មនៃកូនក្រុមរបស់ Solskjaer គឺខ្ពស់ជាងគេបង្អស់នៅ Premier League ចាយដល់ទៅ ១៧១ លានផោនឯណោះ តែការលេងទល់ក្រុម Sheffield ខុសគ្នា ១ ទ្វេជា ១០ បែរជាមិនអាចយកជ័យជម្នះបាន។ បច្ចុប្បន្ន Sheffield ឈរលេខ ៦ ខណៈ United ឈរលេខ៩៕ ប្រភព៖ SportBible