ក្រុមបាល់ទាត់ទាំងអស់សុទ្ធតែជួបបញ្ហានៅពេលទៅដល់ប្រទេសហ្វីលីពីន ដើម្បីរៀបចំការប្រកួតវិញ្ញាសាបាល់ទាត់ក្នុងព្រឹត្តិការណ៍ស៊ីហ្គេមឆ្នាំ២០១៩នេះ។
ក្រុមបាល់ទាត់ភាគច្រើន បានទៅដល់ប្រលានយន្ដហោះ ប៉ុន្តែត្រូវរង់ចាំច្រើនម៉ោងទើបមានឡានក្រុងមកទទួល។ ខណៈដែលឡានខ្លះទៀត មិនសមជាឡានដឹកកីឡាករបាល់ទាត់នោះទេ ព្រោះមើលទៅចាស់ និងគ្មានកៅអីត្រឹមត្រូវឡើយ។ មួយវិញទៀត ទៅដល់សណ្ឋាគារហើយ ក្រុមខ្លះមិនទាន់អាចចូលស្នាក់នៅបានទៀត ហើយខ្លះវិញត្រូវឡានក្រុងនោះដឹកទៅខុសសណ្ឋាគារ ដែលត្រូវចំណាយច្រើនម៉ោងទៀត ទើបអាចដល់កន្លែងត្រឹមត្រូវ។
និយាយពីអាហារវិញ ហាក់មិនត្រឹមត្រូវបានស្ដង់ដារឡើយ។ ក្រុមមួយចំនួនមិនអាចហូបអាហារដែលខាងម្ចាស់ផ្ទះហ្វីលីពីនរៀបចំបានឡើយ។ ទីលានហ្វឹកហាត់វិញក៏មិនត្រឹមត្រូវទៀត ដែលនេះសុទ្ធតែជាកត្តាមិនសមប្រកបទាំងអស់ ហើយក៏ត្រូវកែប្រែចេញវិញដែរ។ សហព័ន្ធបាល់ទាត់ទាំងអស់នៅអាស៊ានសុទ្ធ តែបានលើករឿងនេះឡើង៕ប្រភព៖ Foxsportsasia