ខ្សែប្រយុទ្ធ Gareth Bale បានចូលលេងឱ្យក្រុម Real Madrid វិញហើយកាលពីយប់មិញ ដោយប្ដូរចូលនៅនាទី៦៧ ជំនួសRodrygo ក្នុងការប្រកួតដែលក្រុម Real Madrid ឈ្នះ Real Sociedad ៣-១។ចូលលេងប៉ុន្មាននាទីនៅតង់ទី២នេះ កីឡាករជម្រើសជាតិវែលខាងលើក៏នៅតែបង្ហាញសមត្ថភាពជួយក្រុមបានច្រើនដែរ។ បើទោះមិនអាចរកគ្រាប់បាល់បានក៏ដោយ ក៏រូបគេបានបំពេញការងារនៅតំបន់ស្លាបយ៉ាងល្អ។ តែអ្វីដែលគួរឱ្យស្ដាយនោះ អ្នកគាំទ្រ Real Madrid មិនពេញចិត្តចំពោះការបង្ហាញវត្តមាននេះទេ។
ពួកគេបានលើកបដា និងនាំគ្នាបង្ហាញការមិនពេញចិត្តជាខ្លាំងសម្រាប់វត្តមានរបស់ Bale ។ ការមិនពេញចិត្តនេះកើតឡើង ដោយសារតែរូបគេបានឈរលើកបដាមួយជាមួយក្រុមជម្រើសជាតិវែល។ ដោយបដានោះ បានសរសេរថា៖ វេល កូនហ្គោល និង Madrid នេះតាមលេខរៀង។ ដោយនេះមានន័យថា Bale ត្រូវលេងឱ្យជម្រើសជាតិវែលជាមុន រួចមកលេងកូនហ្គោល សំខាន់ជាងលេងឱ្យក្រុម Real Madrid ទៅទៀត៕
ប្រភព៖ DailyMail