Floyd Mayweather បានប្រកាសវិលចូលសង្វៀនប្រដាល់វិញនៅឆ្នាំ ២០២០ខាងមុខ ដោយរំពឹងវាយ២ប្រកួតទល់អ្នកប្រដាល់អាជីពមួយ និងអ្នកវាយនៅ UFC មួយប្រកួត។អ្នកប្រដាល់ដែលមានកំណត់ត្រាមិនចាញ់៥០ប្រកួតរបស់អាមេរិកនេះ បានប្រកាសនៅលើបណ្ដាញសង្គមរបស់ខ្លួន ថានឹងឈានជើងចូលប្រឡូកវិស័យកីឡាវិញហើយនៅឆ្នាំ២០២០ខាងមុខនេះ។
ការប្រកាសនេះកើតឡើងក្រោយពី Floyd បានជួបពិភាក្សាជាមួយក្រុមការងារ ពីលទ្ធភាពដែលរូបគេអាចឡើងសង្វៀនប្រកួត ឱ្យអ្នកគាំទ្របានទស្សនាវិញ។ប្រភពជាច្រើនបានចុះផ្សាយថាការប្រកួត២ប្រកួតនោះនឹងមាន១ប្រកួតទល់អ្នកប្រដាល់អាជីព និង១ប្រកួតទៀតទល់អ្នកលេងក្នុងទ្រុង MMA នៅសង្វៀន UFC ។ ការប្រកួតទី១អាចនឹងធ្វើឡើងនៅខែឧសភានិង១ប្រកួតទៀតអាចធ្វើឡើងនៅខែកញ្ញាឆ្នាំ២០២០៕
ប្រភព៖ DailyMail