លោក Jose Mourinho បានបញ្ជាក់ថាលោកមកដឹកនាំក្រុមនេះ ដើម្បីជួយក្រុម Spurs ស្គាល់ពានរង្វាន់នៅពេលខាងមុខនេះ។ក្រុម Spurs នឹងត្រូវលេងទល់ក្រុម West Ham នាម៉ោង៧:៣០នាទីល្ងាចនេះហើយ ដែលជាប្រកួតទី១របស់លោក Jose Mourinho ។ ជាមួយការប្រកួតនេះដែរ លោក Jose រំពឹងថានឹងទទួលបាន៣ពិន្ទុ បើទោះជាលេងនៅក្រៅដីក៏ដោយ។ ការបាន៣ពិន្ទុសម្រាប់ការប្រកួតបើកឆាកពិតជាសំខាន់សម្រាប់ក្រុម ដែលកំពុងតែត្រូវការពិន្ទុជាចាំបាច់នេះខ្លាំងណាស់។
អតីតអ្នកចាត់ការក្រុម Real Madrid បានបន្ថែមទៀតថាលោកមានគម្រោងវែងឆ្ងាយជាមួយក្រុម Spurs ដោយចង់នាំក្រុមនេះឱ្យស្គាល់ពានរង្វាន់ធំៗ។ ការសម្រេចបានពានរង្វាន់ ក៏ត្រូវការការចូលរួមពីសំណាក់កីឡាករទាំងអស់គ្នា ដើម្បីសម្រេចគោលដៅផងដែរ។ សម្រាប់សមាជិកក្រុម Spurs បច្ចុប្បន្ននេះ លោក Jose គិតថានឹងមិនចំណាយអ្វីនោះទេនៅខែមករាខាងមុខ៕
ប្រភព៖ DailyMail