ការប្រកួតរវាងក្រុមម្ចាស់ផ្ទះម៉ាឡេស៊ី យកឈ្នះលើក្រុមភ្ញៀវឥណ្ឌូណេស៊ី ២-០ នៅវគ្គជម្រុះ World Cup 2022 កន្លងទៅនេះ មានរៀងអ្នកគាំទ្រវាយគ្នាទៀតហើយ។
ក្រុមប៉ូលិសបានចាប់ខ្លួនអ្នកគាំទ្រប៉ះទង្គិចគ្នានោះចំនួន៤១នាក់ឯណោះ ដោយក្នុងនោះមានទាំងម៉ាឡេស៊ី២៧នាក់ និងឥណ្ឌូណេស៊ី១៤នាក់។ ក្រុមអ្នកគាំទ្រទាំងនេះ បាននាំគ្នាគប់ភ្លើងដាក់គ្នាទៅវិញទៅមក បណ្ដាលឱ្យហេតុការណ៍កាន់តែអាក្រក់មើលទៅ រហូតដល់សន្ដិសុខតម្រូវឱ្យមានការបង្ក្រាបដោយការចាប់ខ្លួន ទើបអាចទប់ការប៉ះទង្គិចគ្នានេះបាន។
អ្នកគាំទ្រដែលត្រូវចាប់ខ្លួននោះបានដោះលែងវិញ ក្រោយពីពួកគេបានធ្វើលិខិតនិងព្រមព្រៀងមិនឱ្យមានរឿងខាងលើកើតឡើងម្ដងទៀត។ ការប៉ះទង្គិចគ្នារវាងអ្នកគាំទ្រប្រទេសទាំងពីរនេះ តែងតែកើតមានឡើងជានិច្ច នៅប៉ុន្មានឆ្នាំចុងក្រោយនេះ៕ប្រភព៖ Foxsportsasia
