• ភ្នាក់ងារ​កីឡាករ ៣០០ លាន​មក​ខ្សឹប Madrid ថា​ចាំ​តែ​អរ​ទៅ ព្រោះ​កុងត្រា​ថ្មី​អត់​ចុះ​ហត្ថលេខា​ទេ

    ភ្នាក់ងារ​របស់​ខ្សែ​ប្រយុទ្ធ​កំពូល Kylian Mbappe ​នោះ​គឺ​ម្តាយ​របស់​យុវជន​នេះ​ផ្ទាល់ បាន​បង្ហើប​ខ្សឹប​ប្រាប់​ទៅ​កាន់​ក្លឹប​ Real Madrid រួចរាល់​ហើយ ថា​កូន​ប្រុស​របស់​ខ្លួន​នឹង​មិន​ព្រមព្រៀង​លើ​ការ​ចុះ​ហត្ថលេខា​បន្ត​កុងត្រា​ថ្មី​ជាមួយ​ក្លឹប​សេដ្ឋី​បារាំង PSG នោះ​ឡើយ។ នេះ​បើ​តាម​អ្នក​សារព័ត៌មាន Eduardo Inda ​បាន​ចុះ​ផ្សាយ។

    Real Madrid កំពុង​ចាប់​អារម្មណ៍​លើ​យុវជន​វ័យ ២០ ឆ្នាំ​រូប​នេះ​ជា​ខ្លាំង ដោយ​ផ្អែក​តាម​ទម្រង់​លេង​ដ៏​ប៉ិនប្រសព្វ Mbappe អាច​នឹង​ឈរ​ជើង​រយៈ​ពេល​យូរ ប៉ុន្តែ​កុងត្រា​សេសសល់​ជាមួយ PSG នៅ​រយៈ​ពេល ២ ឆ្នាំ​កន្លះ​ទៀត​ឯ​ណោះ។

    ទំហំ​នៃ​គម្រោង​ចំណាយ​ចុង​ក្រោយ​បង្អស់​ដែល Real Madrid ​ត្រៀម​ទាក់​យក Mbappe ​គឺ​ប្រមាណ ៣៤៣ លាន​ផោន នេះ​គួប​ផ្សំ​នឹង​ទំនាក់ទំនង​ជិតស្និទ្ធ​រវាង​សាមី​ខ្លួន​ផ្ទាល់​ជាមួយ Zidane ​ដែល​រំពឹង​អាច​មាន​ភាគរយ​ជោគជ័យ​ខ្ពស់​ក្នុង​ការ​ចរចា។

    គួរ​បញ្ជាក់​ថា​ចាប់​តាំង​ដើរ​ចេញ​ពី Monaco នៅ​ឆ្នាំ ២០១៧ Mbappe បង្ហាញ​ខ្លួន​នៅ​ក្លឹប​ថ្មី​បាន ៩០ ប្រកួត​សរុប​ដោយ​រក​បាន ៦៩ គ្រាប់​ហើយ៕ ប្រភព៖ Sportsmole

    ភ្ជាប់ទំនាក់ទំនងជាមួយ CTS SPORT