• គ្រូ​អេស្ប៉ាញ ​ប្រកាស​លា​ឈប់​ពី​តំណែង​ទោះ​ដឹក​នាំ​ក្រុម​បាន​យ៉ាង​ល្អ​ក៏​ដោយ​

    លោក Robert Moreno ​គ្រូ​បង្វឹក​ក្រុម​ជម្រើស​ជាតិ​អេស្ប៉ាញ ​បាន​ប្រកាស​ចាកចេញ​ពី​តំណែង​របស់​ខ្លួន ​ក្រោយ​ពី​ដឹក​នាំ​ក្រុម​ជម្រើស​ជាតិ​នេះ​បាន​កៅអី​ជុំ​ចុង​ក្រោយ Euro 2020 ​។

    ក្រុម​ជម្រើស​ជាតិ​អេស្ប៉ាញ ​បាន​យក​ឈ្នះ​ក្រុម​រ៉ូម៉ានី ​៥-០ ​សម្រាប់​ការ​ប្រកួត​ក្នុង​ពូល​ពាន​រង្វាន់ Euro 2020 ​កាល​ពី​យប់មិញ​នេះ។ ​ក្រោយ​ពី​ចប់​ការ​ប្រកួត​ភ្លាម ​លោក Moreno ​ដែល​ជា​គ្រូ​បង្វឹក​អេស្ប៉ាញ​មិន​បាន​ទៅ​ចូល​រួម​សន្នីសីទ​កាសែត​នោះ​ទេ ​ដោយ​លោក​បាន​នៅ​ជាមួយ​សមាជិក​ក្រុម​ទាំង​អស់ ​ហើយ​ប្រកាស​ដំណឹង​អាក្រក់​មួយ។ ​លោក​ថា ​លោក​នឹង​មិន​ដឹក​នាំ​ក្រុម​អេស្ប៉ាញ​នៅ​វគ្គ​ចុង​ក្រោយ Euro 2020 ​ទេ ​ព្រោះ​លោក​នឹង​ចាកចេញ​ពី​តំណែង​នៅ​ត្រឹម​នេះ​ហើយ។

    គេ​មិន​ទាន់​ដឹង​ច្បាស់​ពី​មូលហេតុ​ដែល​លោក Moreno ​ឈប់​ពី​តំណែង​ដែល​កំពុង​ដឹក​នាំ​ក្រុម​អេស្ប៉ាញ​បាន​យ៉ាង​ល្អ​នេះ​ឡើយ។ ខណៈ​ដែល​សន្និសីទ​កាសែត​ផ្លូវការ​មួយ​នឹង​ធ្វើ​ឡើង​នៅ​ថ្ងៃ​នេះ​តែ​ម្ដង៕ប្រភព៖ Marca

    ភ្ជាប់ទំនាក់ទំនងជាមួយ CTS SPORT