Van Dijk ​ថា​ហុល្លង់​ត្រលប់​មក​កន្លែង​ដែល​ពួកគេ​ត្រូវ​ឈរ​ហើយ​

ក្រុម​ជម្រើស​ជាតិ​ហុល្លង់​បាន​ឡើង​ទៅ​ជុំ​ផ្ដាច់ព្រ័ត្រ​ពាន​រង្វាន់ Euro 2020 ​ដោយ​ស្វ័យ​ប្រវត្តិ​ហើយ បើ​ទោះ​ជា​សល់​១​ប្រកួត​ក្នុង​ដៃ​ទៀត​ក៏​ដោយ។

នេះ​ជា​វត្តមាន​ជា​ថ្មី​ម្ដង​ទៀត​សម្រាប់​ក្រុម​ហុល្លង់​ដែល​ខកខាន​លេង​ពាន​អន្តរជាតិ Euro 2016  ​និង World Cup 2018 ​មក។ ជាមួយ​ការ​បង្ហាញ​មុខ​ជា​ថ្មី​នេះ​ដែរ ​ខ្សែ​ការពារ Van Dijk ​បាន​និយាយ​ដូច្នេះ​ថា​នេះ​ជា​ពេល​ដែល​ក្រុម​ហុល្លង់​ត្រូវ​ត្រលប់​ទៅ​កន្លែង​ដែល​ពួកគេ​គួរ​ឈរ​ជើង​វិញ​ហើយ។ ​ហុល្លង់​ជា​ក្រុម​ខ្លាំង​មួយ ដែល​សក្ដិសម​បំផុត​ក្នុង​ការ​ចូល​ទៅ​ប្រជែង​ពាន​រង្វាន់​អន្តរជាតិ​ជាមួយ​ក្រុម​ដទៃ​ទៀត។

រំលឹក​ថា​ក្រុម​ហុល្លង់​បាន​ឡើង​ទៅ​ជុំ​បន្ដ ​ក្រោយ​ពី​ពួកគេ​លេង​ស្មើ​ក្រុម​អៀរឡង់​ខាង​ជើង​កាល​ពី​ចុង​សប្ដាហ៍​ក្នុង​លទ្ធផល ០-០។ ​ហើយ​ការ​ប្រកួត​ទល់​ក្រុម​អេស្តូនី​នៅ​យប់​ស្អែក​នេះ ​គ្រាន់​តែ​ប្រកួត​បង្គ្រប់​កិច្ច​ដើម្បី​បញ្ចប់​ពូល​ប៉ុណ្ណោះ។ ​ដោយសារ​តែ​ប្រកួត​មិន​សំខាន់​នេះ​ហើយ ទើប​បាន​ជា Van Dijk ​បាន​ប្រកាស​ថា​ខ្លួន​មិន​បន្ដលេង​ឱ្យ​ហុល្លង់​សម្រាប់​ប្រកួត​ចុង​ក្រោយ​នេះ​នោះ​ទេ ​ព្រោះ​មាន​បញ្ហា​ផ្ទាល់​ខ្លួន​ត្រូវ​ដោះស្រាយ៕ប្រភព៖ Channelnewsasia


ភ្ជាប់ទំនាក់ទំនងជាមួយ CTS SPORT