ខ្សែប្រយុទ្ធ Lionel Messi បានជួយក្រុមអាហ្សង់ទីន យកឈ្នះប្រេស៊ីល ១-០ លើកពានរង្វាន់អន្តរជាតិមួយនៅប្រទេសអារ៉ាប៊ីសាអ៊ូឌីត។
កីឡាករវ័យ៣២ឆ្នាំនេះ បានជាប់បម្រាម៣ខែមកហើយ ដោយសារតែនិយាយប៉ះពាល់ដល់ការរៀបចំព្រឹត្តិការណ៍ Copa America។ យ៉ាងណាមិញ នៅយប់មិញគឺជាការវិលត្រលប់មកវិញរបស់គេ ហើយក៏រកបានគ្រាប់បាល់១គ្រាប់ ជួយក្រុមយកឈ្នះជើងខ្លាំងប្រេស៊ីល ១-០ លើកពានរង្វាន់ប្រកួតអន្តរជាតិមួយតែម្ដង។
Messi បាននិយាយក្រោយចប់ការប្រកួតដែរថា៖ “ចាប់ផ្ដើម យើងបានព្យាយាមលេង យើងបង្កើតកំហុសដែរ ហើយពួកគេបានបង្កើតឱកាសជាច្រើន។ ចូលដល់តង់ទី២ យើងលេងបានល្អច្រើន។ ខ្ញុំគិតថាប្រព័ន្ធការពារនេះ ផ្ដល់ភាពរឹងមាំឱ្យយើងច្រើន។ វាល្អ នៅពេលយើងអាចលេងបានច្រើនរបៀបបែបនេះ”៕ប្រភព៖ Dailymail
