មិនទាន់មានប្រភពគួរឲ្យទុកចិត្តណាមួយដែលទម្លាយពីទ្រនំថ្មីរបស់ Zlatan Ibrahimovic នោះទេ ក្រោយពេលដែលកីឡាករស៊ុយអែតរូបនេះបានប្រកាសជុំវិញការចាកចេញ ក្រោយចាយពេល ២ រដូវកាលជាមួយក្លឹបនៅអាមេរិក។
ចចាមអារ៉ាមកន្លងទៅលេចលឺថាក្រុមរបស់លោក Klopp ចង់បានខ្សែប្រយុទ្ធវ័យ ៣៨ ឆ្នាំរូបនេះមកចូលរួម។ លុះថ្មីៗនេះសាមីខ្លួនក៏បានចេញមកបកស្រាយ ដោយអ្នកចាត់ការរបស់ហង្សនិយាយថា៖ “ប្រសិនគាត់មិនបានលេងឲ្យក្លឹប Man Utd ពីមុនទេ ប្រហែលយើងអាចនឹងពិចារណានាំយកគាត់មកចូលរួមនៅទីនេះ”។
លោក Klopp បញ្ចប់ជាមួយសារព័ត៌មាន Sportbladet ថា៖ “ប៉ុន្តែខ្ញុំក៏មិនច្បាស់ថាគាត់ចង់លេងនៅទីនេះឬអត់ឡើយ”។ រំឭកថា Zlatan រកបានលើស ៥០ គ្រាប់នៅ ២ រដូវកាលជាមួយ LA Galaxy៕
ប្រភព៖ Mirror