ខ្សែការពារ Sergio Ramos បានបញ្ជាក់ថាពេលនេះ មិនមែនជាពេលល្អទេ សម្រាប់ក្រុមជម្រើសជាតិអេស្ប៉ាញយក Barcelona ជាទឹកដីសម្រាប់ការប្រកួតអន្តរជាតិ។
តំបន់កាតាឡាន់ត្រូវបានអេស្ប៉ាញជ្រើសរើសជាទឹកដីរបស់ខ្លួនសម្រាប់ការប្រកួតនៅពេលខាងមុខនេះ។ ប៉ុន្តែដោយសារតែមានហិង្សាកើតឡើងនៅពេលថ្មីៗនេះ ទើបបានជាអេស្ប៉ាញសម្រេចលុបគម្រោងនោះចោលវិញ ដើម្បីបញ្ចៀសបញ្ហា។ ជាមួយគ្នានេះ Ramos ដែលជាប្រធានក្រុមក៏បានបញ្ជាក់ដែរថា វាជារឿងល្អហើយដែលមិនយក កាតាឡាន់ ជាទឹកដីសម្រាប់អេស្ប៉ាញ។
កីឡាករលេងនៅក្លឹប Real Madrid បាននិយាយដូច្នេះថា៖ “វាមិនមែនជាពេលល្អសម្រាប់អេស្ប៉ាញទៅលេងនៅកាតាឡាន់ទេ។ ដូចដែលយើងបានឃើញស្រាប់ Clasico ត្រូវលើកពេល។ ខ្ញុំសង្ឃឹមថាយើងនឹងដោះស្រាយបញ្ហានេះឆាប់ៗ ដើម្បីប្រទេសយើងមានភាពស្មើគ្នា”៕ប្រភព៖ Marca