Erling Haaland យុវជនកំពុងលេចធ្លោមួយរូបនៅតំបន់អឺរ៉ុប បានផ្ទុះចចាមអារ៉ាមឥតឈប់ជុំវិញរឿងរ៉ាវដែលថាក្លឹបយក្សជាច្រើនកំពុងចាប់អារម្មណ៍ចង់បានរូបគេចេញពី Salzburg។
កីឡាករសញ្ជាតិន័រវែសត្រូវបានសារព័ត៌មានសួរថា៖ “តើអ្នកនឹងតតាំងជាមួយចចាមអារ៉ាមបានដោយរបៀបណា ពេលគេសួរថា Juventus, United និង Madrid តើអ្នកជ្រើសយកមួយណា”។
Haaland ឆ្លើយកាត់៖ “អ្នកដឹងហើយថាខ្ញុំនឹងឆ្លើយបែបណា ពោលគឺខ្ញុំនឹងមិនបញ្ចេញយោបល់អ្វីទាំងអស់”។ កីឡាករវ័យ ១៩ ឆ្នាំដែលនាំមុខតំណែង Top Scorer នៅ UCL ក៏ឆ្លើយចម្លើយដូចគ្នាពេលសួរថាចង់ទៅលេងជាមួយ Cristiano Ronaldo ឬអត់។
គួររំឭកថាកីឡាកររបស់ Salzburg រូបនេះ រកបាន ២៦ គ្រាប់ហើយក្នុងការបង្ហាញខ្លួន ១៨ ប្រកួតសរុបឲ្យក្លឹប ដោយជោគជ័យជាច្រើនក៏បានកើតឡើងនៅ UEFA Champions League។ ប្រសិនណា Salzburg អាចមានកៅអីឡើងទៅវគ្គបន្ទាប់ នោះតំណែង Top Scorer ប្រចាំរដូវកាល ក៏អាចនឹងធ្លាក់ដល់ដៃរបស់ Haaland ថែមទៀតផង៕ ប្រភព៖ BeSoccer
