គ្រូ Chiangrai ​លា​ឈប់​ពី​តំណែង ​ក្រោយ​ជួយ​ក្រុម​ឈ្នះ​ជើង​ឯក​លីគ​ថៃ​

លោក Ailton Silva ​បាន​លា​ឈប់​ពី​តំណែង​គ្រូ​បង្វឹក​ក្រុម  Chiangrai ​ហើយ ​ក្រោយ​ពី​ជួយ​ក្រុម​មួយ​នេះ លើក​ពាន​រង្វាន់​លីគ​កំពូល​ថៃ​មក​។

 

បុរស​វ័យ​៥៣​ឆ្នាំ​នេះ បាន​បង្កើត​ភាព​ភ្ញាក់ផ្អើល​មួយ ដោយ​អាច​ជួយ​ក្រុម  Chiangrai ​លើក​ពាន​រង្វាន់​លីគ​កំពូល​បាន។ ​ការ​លើក​ពាន​នេះ​ដែរ ​គឺ​ក្រុម​ Chiangrai ​មាន​ពិន្ទុ​៥៨​ស្មើ​ជាមួយ​ក្រុម Buriram United ​ដែរ ​ប៉ុន្តែ​ដោយសារ​តែ​គិត Head to Head ​ទើប​បាន​ជា​ក្រុម Chiangrai ​ត្រូវ​នៅ​លេខ​១ ​និង​ក្លាយ​ជា​ជើង​ឯក​តែ​ម្ដង។ តែ​អ្វី​ដែល​គួរ​ឱ្យ​សោកស្ដាយ​នោះ ​ក្រោយ​ពី​ជួយ​ក្រុម​លើក​ពាន​ហើយ ​លោក Silva ​ត្រូវ​ចាកចេញ​ពី​ក្រុម​ហើយ ​ក្រោម​ហេតុផល​ទៅ​ព្យាបាល​របួស​ជង្គង់​នៅ​ប្រទេស​ប្រេស៊ីល​វិញ។

គ្រូ​សញ្ជាតិ​ប្រេស៊ីល​នេះ ​មាន​បទ​ពិសោធ​ច្រើន​ក្នុង​ការ​ដឹក​នាំ​ក្រុម ​ជា​ពិសេស​ថ្នាល​យុវជន​របស់​ក្រុម Sao Paulo ​តែ​ម្ដង។ ​ក្រៅ​ពី​ជួយ​ក្រុម​ឈ្នះ​ពាន​លីគ​កំពូល​ថៃ​ហើយ ​លោក Silva ​ក៏​បាន​ជួយ​ក្រុម​  Chiangrai ​ឡើង​ដល់​វគ្គ​ពាក់​កណ្ដាល​ផ្ដាច់ព្រ័ត្រ​ពាន League Cup ​និង​ឡើង​ដល់​វគ្គ​៨​ក្រុម​ចុង​ក្រោយ​ពាន FA Cup ​ផង​ដែរ ​ក្នុង​រដូវ​កាល​ដំបូង​របស់​លោក​នេះ៕ប្រភព៖ Foxsportsasia


ភ្ជាប់ទំនាក់ទំនងជាមួយ CTS SPORT