តាមសារព័ត៌មាន CaughtOffside បានចុះផ្សាយថាក្លឹប Real Madrid និង Manchester United កំពុងប្រជែងគ្នានៅលើទីផ្សារដោះដូរ ជុំវិញការចង់បានខ្សែប្រយុទ្ធ Jadon Sancho របស់ក្លឹប Borussia Dortmund។
យុវជនរូបនេះហាក់ត្រូវប៉ាន់ពីបណ្តាក្លឹបយក្សធំៗនៅអឺរ៉ុបតាំងពីរដូវក្តៅឆ្នាំទៅម្ល៉េះ ដោយឡែកនាឆ្នាំ ២០២០ ខាងមុខ Sancho ក៏បន្តជារ៉ាដាសម្រាប់ក្លឹបទាំងពីរ ជាមួយតម្លៃខ្លួនប្រមាណ ១៥០ លានអឺរ៉ូ។
គួររំឭកថាការចរចានៅពេលខាងមុខក៏មិនប្រាកដថាក្លឹបណាមួយអាចទទួលបានជោគជ័យនោះដែរ ព្រោះជាញឹកញយនាយកប្រតិបត្តិរបស់ Dortmund ក៏រមែងព្យាយាមបដិសេធសំណើធំៗទាំងស្រុង ហើយក៏ធ្លាប់ប្រកាសជាសាធារណៈថាលោកពិតជាទទួលបានការចរចាពីភាគីខាងមេធំនៃក្លឹបសេដ្ឋីមួយ តែលោកបានប្រាប់ទៅវិញឲ្យបំភ្លេចរឿងហ្នឹងចោលទៅ ព្រោះក្លឹប Dortmund គ្មានបំណងចង់លក់ចេញកីឡាករវ័យ ១៩ ឆ្នាំរូបនេះឡើយ៕ ប្រភព៖ FoxSportAsia