ខ្សែការពារ Virgil van Dijk ជឿជាក់ថាក្រុម Liverpool នឹងមានឱកាសលើកពានរង្វាន់ English Premier League នៅឆ្នាំនេះ ក្រោយពីទទួលបានបទពិសោធនៅឆ្នាំមុន។
ក្រុម Liverpool នារដូវកាលនេះធ្វើបានល្អមែនទែនតែម្ដង ដោយឆ្លងកាត់១២ប្រកួត ឈ្នះ១១ប្រកួត មិនទាន់ចាញ់នោះទេ។ មួយវិញទៀត ពួកគេមាន៣៤ពិន្ទុ លើសក្រុមលេខ២ Leicester City ៨ពិន្ទុទៅហើយ។ ដូច្នេះការកាន់តំណែងកំពូលតារាងនេះ អាចនឹងរក្សាបានយូរបន្ថែមទៀត។
ជាមួយគ្នានេះដែរ Van Dijk ខ្សែការពារថ្លៃបំផុតរបស់ក្រុមហង្សក្រហមក៏បានបង្ហាញចំណាប់អារម្មណ៍ដែរថាក្រុម Liverpool នៅពេលនេះអាចគ្រប់គ្រងការប្រកួតបាន។ មួយវិញទៀត គឺការទទួលបានបទពិសោធនៅឆ្នាំមុនអាចនឹងធ្វើឱ្យក្រុមនេះលេងប្រុងប្រយ័ត្នខ្លាំង ដើម្បីឈ្នះពាន Premier League ឱ្យបាននាឆ្នាំនេះ៕ប្រភព៖ Dailymail