លោក Pep Guardiola មិនអស់ចិត្តនោះទេ ចំពោះការប្រកួតដែលក្រុម Manchester City ចាញ់ក្រុម Liverpool ៣-១ក្នុងការប្រកួតលីគកំពូលអង់គ្លេស។
ក្រុមហង្សក្រហម បំបាក់ក្រុម Man City បាន៣-១ ធ្វើឱ្យពួកគេមានគម្លាត៩ពិន្ទុពីក្រុមរបស់លោក Pep និង៨ពិន្ទុពីក្រុមលេខ២ Leicester City ។ និយាយពីការប្រកួតនេះដែរ លោក Pep មិនពេញចិត្តចំពោះការកាត់ក្ដីរបស់អាជ្ញាកណ្ដាលនោះទេ។ លោកបានបញ្ជាក់ថាក្នុងការប្រកួតនេះ ក្រុម Man City ត្រូវទទួលបានបាល់ប៉េណាល់ទី២គ្រាប់ ប៉ុន្តែបែរជាអាជ្ញាកណ្ដាលមិនឱ្យទៅវិញ។
លោក Pep ថាបាល់ប៉ះដៃរបស់ខ្សែការពារ Trent Alexander-Arnold គឺច្បាស់ណាស់ថាសមនឹងប៉េណាល់ទី ហើយបែរជាអាជ្ញាកណ្ដាលមិនផ្ដល់ឱ្យទៅវិញ។ លោកបានតវ៉ាច្រើនដែរ ប៉ុន្តែគ្មានអ្វីប្រែប្រួលនោះទេ៕ប្រភព៖ Dailymail
