ការស៊ុតបាល់ពិន័យ ១១ ម៉ែត្រ មិនស៊ុតតែគ្រប់គ្នាអាចសម្រេចបានរៀងរាល់លើកនោះទេ ពោលគឺមានពេលខ្លះក៏ជ្រុលស៊ុតហួសរបាទី និងខ្លះទៀតត្រូវសង្គោះបានក្រោមថ្វីដៃអ្នកចាំទី។
តើកីឡាកររូបណាមួយដែលមានស្ថិតិស៊ុតបាល់ប៉េណាល់ទីជោគជ័យច្រើនជាងគេ? ចម្លើយគឺ Jorginho របស់ក្លឹបតោខៀវ Chelsea ឈរនៅលេខ ១ ខណៈការស៊ុត ១៧ លើក ចូល ១៦ គ្រាប់ ជោគជ័យ ៩៤ ភាគរយ។
ស្របពេល Robert Lewandowski ឈរលេខបន្ទាប់ក្នុងចំណោម ៥២ លើក បរាជ័យតែ ៥ លើកគត់ ពោលមានភាគរយជោគជ័យដល់ទៅ ៩០ ភាគរយ។ រីឯអ្នកបន្ទាប់គឺ Sergio Ramos ដែលក្នុងចំណោម ២៥ លើក ស៊ុតចូល ២២ លើក មាន ៨៨ ភាគរយ។
James Milner ឈរនៅលេខ ៤ ស៊ុតចូល ២៩ លើកក្នុងចំណោម ៣៤ លើក មាន ៨៥ ភាគរយ និង Cristiano Ronaldo បិទតំណែង Top 5 ដោយខកខាន ២២ លើកក្នុងចំណោមការស៊ុតសរុបជាង ១០០ លើក ស្មើនឹង ៨៣ ភាគរយ៕ ប្រភព៖ AF