លោក Arsene Wenger កំពុងស្ថិតក្រោមការឃ្លាំមើលជុំវិញភាគរយទោដឹកនាំនៅក្លឹប Bayern Munich ដែលកំពុងទំនេរតំណែងអ្នកចាត់ការ ក្រោយលោក Niko Kovac ត្រូវបានក្លឹបបណ្តេញចោលកាលពីប៉ុន្មានសប្តាហ៍មុន។
Wenger ដែលជាបេក្ខភាពមួយរូបបានសើរើរឿងរ៉ាវទាំងនេះប្រាប់ beIN Sports៖ “កាលពីរសៀលថ្ងៃពុធ Rummenigge (នាយកប្រតិបត្តិ Bayern) បានខលមកខ្ញុំ ដោយពេលនោះគាត់កំពុងស្ថិតនៅតាមផ្លូវទៅចូលរួមការប្រកួតទល់ Olympiacos”។
លោកបន្ត៖ “យើងជជែកគ្នា ៤ ទៅ ៥ នាទី ដោយគាត់ប្រាប់ខ្ញុំថាពួកគេបានតែងតាំង Flick ឲ្យដឹកនាំពីរប្រកួតខាងមុខ ដោយពួកគេត្រូវលេងប៉ះ Dortmund ថ្ងៃស្អែកនេះ គាត់សួរខ្ញុំថាខ្ញុំចាប់អារម្មណ៍ទៅដឹកនាំ Bayern ឬអត់ ព្រោះក្លឹបកំពុងត្រូវការ តែខ្ញុំឆ្លើយភ្លាមៗថាមិនទាន់បានគិតទេ ហើយសុំពេលបន្តិចសិន”។
លោក Wenger បញ្ចប់ឲ្យអស់មន្ទិលសង្ស័យ៖ “យើងនឹងសម្រេចច្បាស់ការលើចម្លើយនេះនៅសប្តាហ៍ក្រោយ ព្រោះពេលនេះខ្ញុំនៅ Doha ដល់យប់ថ្ងៃអាទិត្យ ហើយទាំងអស់នេះជារឿងពិត”៕ ប្រភព៖ Sportsmole