• Klopp ឆ្លើយតប​រឿង​គេ​ថា​ក្លឹប​ហ៊ាន​ជះ​រយ​លាន ចង់​ចុះ​ហត្ថលេខា​យក Mbappe

    Kylian Mbappe ដែល​មាន​តម្លៃ​ប្រមាណ ២៥០ លាន​អឺរ៉ូ ត្រូវ​បាន​សារព័ត៌មាន​ចុះ​ផ្សាយ​នា​ពេល​កន្លង​ទៅ​ថា​ក្រុម​ហង្ស​ក្រហម Liverpool ក៏​បាន​ចូលរួម​ក្នុង​ការ​ចរចា​ចង់​បាន​កីឡាករ​បារាំង​រូប​នោះ​ផង​ដែរ។

    យ៉ាងណាមិញ​តាម​រយៈ​ការ​ឆ្លើយតប​របស់​លោក Jurgen Klopp មុន​ការ​ប្រកួត​ទល់ Man City ចុង​សប្តាហ៍​នេះ លោក​បញ្ជាក់​ថា៖ “ការ​ដែល​ទិញ​កីឡាករ​លំដាប់​ប្រភេទ​នេះ ខ្ញុំ​ថា​ពេល​នេះ​គ្មាន​ក្លឹប​ណា​អាច​នាំ​យក Mbappe ចេញ​ពី PSG ​បាន​នោះ​ទេ”។

    លោក​សង្កត់​ធ្ងន់៖ “ដោយ​យើង​ក៏​ស្ថិត​ក្នុង​បណ្តា​ក្លឹប​ដែល​មិន​អាច​យក​ Mbappe ​ដូច​គ្នា ដោយ​ហេតុផល​គឺ​ទាក់ទិន​តែ​លើ​រឿង​លុយ​ម្យ៉ាង​គត់ ពោល​គឺ​គ្មាន​ឱកាស​នោះ​ឡើយ អ៊ីចឹង​ក៏​សុំទោស​ផង​សម្រាប់​រឿង​នេះ”។

    គួររំឮកថា​ Liverpool នឹងត្រូវតតាំងការប្រកួតសំខាន់ទល់ Manchester City ដែល​ជាជំនួប Super Sunday ដោយមតិជាច្រើនជឿថាប្រសិនហង្សអាចយកឈ្នះ នោះភាគរយលើកពានរដូវកាល ២០១៩/២០ គឺនឹងមានសង្ឃឹមច្រើន ត្បិតទើបឈានដល់ជុំទី ១២ ក៏ពិតមែន៕ ប្រភព៖ BeSoccer

    ភ្ជាប់ទំនាក់ទំនងជាមួយ CTS SPORT