Neymar បានសរសើរកីឡាករប្រេស៊ីល Rodrygo ថាមានសមត្ថភាពខ្ពស់ និងបានក្លាយជាកីឡាករវ័យក្មេងរកបាន Hat-trick ក្នុងពានរង្វាន់ UEFA Champions League ។
Rodrygo វ័យ១៨ឆ្នាំរកបាន៣គ្រាប់ម្នាក់ឯងជួយក្រុម Real Madrid ឈ្នះក្រុម Galatasaray ៦-០ ក្នុងវគ្គសន្សំពិន្ទុតាមពូល។ រកបាន Hat-trick នេះ ធ្វើឱ្យឈ្មោះរបស់យុវជននេះចាប់ផ្ដើមគេស្គាល់កាន់តែច្រើនថែមទៀត។ រហូតដល់មានរាមច្បងជាច្រើន ក៏សរសើរចំពោះសមត្ថភាពដ៏អស្ចារ្យរបស់គេផងដែរ។
ក្នុងនោះ Neymar បាននិយាយអបអរទៅសិស្សប្អូនរួមសញ្ជាតិថា៖ “ក្មេងល្អ ពង្រឹងសមត្ថភាពបន្ថែមទៀត និងឱកាសជាច្រើននឹងរត់រកអ្នក។ អបអរ ចំពោះថ្ងៃនេះហើយវានឹងក្លាយជារឿងដំបូងដែលនឹងត្រូវអបអរជាច្រើនរឿងទៀត”។ រំលឹកថា Neymar នេះ គឺជា Idol របស់ Rodrygo នេះហើយ៕
