ថ្នាក់​ដឹក​នាំ MLS ​ថា​ Zlatan ​ទៅ​ចូល​រួម​ជាមួយ AC Milan ​

លោក Don Graber ​ថ្នាក់​ដឹក​នាំ​របស់​ស្ថាប័ន​បាល់ទាត់​អាមេរិក MLS ​បាន​បញ្ជាក់​ថា Zlatan Ibrahimovic ​នឹង​ទៅ​ចូល​រួម​ជាមួយ​ក្រុម AC Milan ​ក្រោយ​មិន​ព្រម​បន្ដ​កុងត្រា​ជាមួយ LA Galaxy ។

បច្ចុប្បន្ន Zlatan ​កំពុង​ទំនេរ ​ក្រោយ​ពី​ចប់​កុងត្រា​ជាមួយ​ក្រុម LA Galaxy ​។ ​មាន​ដំណឹង​ជា​ច្រើន​ចុះ​ផ្សាយ​ថា​រូបគេ​នឹង​ទៅ​លេង​ឱ្យ​ក្រុម​នៅ​អេស្ប៉ាញ​វិញ ​ប៉ុន្តែ​មិន​ច្បាស់​ក្រុម​ណា​ឡើយ ​ព្រោះ​សាមី​ខ្លួន​បាន​បង្ហើប​ពី​ការ​វិល​ត្រលប់​ទៅ​កាន់​លីគ La Liga ​នេះ។ ​ដោយ​ឡែក ​នៅ​ពេល​នេះ ​លោក Don ​ដែល​ជា​ថ្នាក់​ដឹក​នាំ​ម្នាក់​នៅ MLS ​បាន​បញ្ជាក់​ថា​គេ​មិន​ទៅ​អេស្ប៉ាញ​ទេ។

លោក ​បន្ដ​ថា ​ខ្សែ​ប្រយុទ្ធ​វ័យ​៣៨​ឆ្នាំ​នេះ ​នឹង​ទៅ​លេង​នៅ​អ៊ីតាលី​ជាមួយ​ក្រុម AC Milan ​វិញ ​ដែល​ជា​កន្លែង​រូបគេ​ធ្លាប់​លេង​ឱ្យ​នៅ​ឆ្នាំ​២០១០​-២០១២។ ​អំឡុង​ពេល​នៅ Milan ​នេះ ​Zlatan ​រក​បាន​៥៦​គ្រាប់ ​ក្នុង​ការ​លេង​៨៥​ប្រកួត ​ឈ្នះ Serie A ​បាន​ម្ដង ​និង Supercoppa Italiana ​១​ដង៕ប្រភព៖ Dailymail


ភ្ជាប់ទំនាក់ទំនងជាមួយ CTS SPORT