ក្លឹប Bayern Munich ត្រៀមស្នើយកលោក Arsene Wenger មកដឹកនាំក្រុមរហូតដល់ចប់រដូវកាលនេះសិន ក្រោយពីបណ្ដេញលោក Kovac ចេញពីតំណែងអ្នកចាត់ការក្រុម។
Bayern បានបណ្ដេញលោក Kovac ចេញពីតំណែង ក្រោយពីដឹកនាំក្រុមចាញ់ Frankfurt ក្នុងលទ្ធផល ៥-១ ក្នុងលីគអាល្លឺម៉ង់។ ក្រោយពីការបណ្ដេញនេះ ក្រុមយក្សអាល្លឺម៉ង់នេះ កំពុងស្វែងរកអ្នកចាត់ការថ្មី ហើយលោក Wenger គឺជាបេក្ខភាពឈានមុខគេ។ ប្រភពនៅអង់គ្លេសបានបញ្ជាក់ថា ក្លឹប Bayern Munich នឹងស្នើទៅអតីតអ្នកចាត់ការក្រុម Arsenal ម្នាក់នេះ ដើម្បីដឹកនាំក្រុមរហូតដល់ចប់រដូវកាលនេះសិន។
បុរសវ័យ៧០ឆ្នាំនេះ បានជួបជាមួយថ្នាក់ដឹកនាំក្រុម Bayern Munich រួចទៅហើយក្នុងសប្ដាហ៍នេះ ប៉ុន្តែមិនទាន់សម្រេចអ្វីបាននៅឡើយទេ។ ក្រៅពីលោក Wenger ក្រុម Bayern Munich ក៏ចង់បានលោក Erik Ten Hag ដែលកំពុងដឹកនាំក្រុម Ajax ផងដែរ ប៉ុន្តែត្រូវសាមីខ្លួនបដិសេធ ព្រោះចង់ដឹកនាំក្រុម Ajax បន្ដទៀតសិន៕ប្រភព៖ Dailymail