ខ្សែប្រយុទ្ធ Son Heung-Min បានស៊ុតបញ្ចូលទី២គ្រាប់ជួយក្រុម Spurs យកឈ្នះលើក្រុម Red Star Belgrade ៤-០ ក្នុងពានរង្វាន់ UEFA Champions League ។
ក្នុងការប្រកួតនេះដែរ Son កីឡាករកូរ៉េខាងត្បូង ក្រោយពីរកគ្រាប់បាល់បានភ្លាម រូបគេមិនអបអរអ្វីឡើយ ដោយបានយកគ្រាប់បាល់នេះ បួងសួងសុំឱ្យ Gomes ឆាប់ជាសះស្បើយ និងជាការសុំទោសចំពោះរឿងដែលបានកើតឡើងផងដែរ។ ខ្សែប្រយុទ្ធរូបនេះនៅតែមានការសោកស្ដាយចំពោះរឿងដែលធ្វើឱ្យកីឡាករ Everton ខាងលើនេះ បាក់ជើងកាលពីលេងនៅលីគអង់គ្លេស។
Son បាននិយាយក្រោយចប់ការប្រកួតថាប៉ុន្មានថ្ងៃមកនេះ រូបគេតែងតែមានការសោកស្ដាយ និងនឹកឃើញរឿងដែលកើតហេតុជានិច្ច។ ប្រសិនជាអាច រូបគេមិនចង់ឱ្យមានហេតុការណ៍បែបនោះកើតឡើងនោះទេ។ បច្ចុប្បន្ននេះ Gomes ដែលរងរបួសបាក់ជើងនោះ បានចេញពីមន្ទីរពេទ្យហើយ ក្រោយពីវះកាត់បានជោគជ័យ៕ប្រភព៖ Dailymail