• ស្មើ​ហើយ Barca ​ត្រូវ​ខូច​ជើង​កីឡាករ​មួយរូប​ថែម​ទៀតយប់មិញ

    អំឡុង​ការ​ប្រកួត​នៅ​ទឹកដី Camp Nou ទល់ Slavia Prague កាល​ពី​យប់​មិញ ក្លឹប​អ្នក​មាន​បុណ្យ​ Barcelona មិន​អាច​យក​បាន​ជ័យជម្នះ​នោះ​ទេ ពោល​គឺ​បញ្ចប់​ទៅ​នៅ​លទ្ធផល ០-០។

    ប៉ុន្តែ​ Barca ក៏​បាន​បាត់បង់​កីឡាករ​សំខាន់​មួយ​រូប​ថែម​ទៀត នោះ​គឺ Jordi Alba ដែល​រង​បញ្ហា​របួស និង​ត្រូវ​បាន​ប្តូរ​ចេញ​ជំនួស​ដោយ Sergi Roberto។ តាម​រយៈ​សេចក្តី​ថ្លែងការណ៍​របស់​ក្លឹប​បាន​សរសេរ​ថា៖ “Alba បាន​ជួប​របួស​សាច់ដុំ​ខាង​ឆ្វេង ហើយ​យើង​កំពុង​ឃ្លាំមើល​ពី​លទ្ធភាព​នៃ​ពេលវេលា​ដែល​គាត់​អាច​ត្រលប់​មក​វិញ”។

    យ៉ាងណាមិញ Alba អាច​នឹង​ខកខាន​ប៉ុន្មាន​សប្តាហ៍​បន្ទាប់ ដែល​នេះ​ក៏​ជា​ឱកាស​មាស​សម្រាប់​យុវជន Junior Firpo ដែល​ទិញ​យក​ពី Real Betis នៅ​តម្លៃ ១៨ លាន​អឺរ៉ូ​អាច​មាន​ឱកាស​បង្ហាញ​ខ្លួន​ជំនួស​នៅ​ប្រកួត​បន្ទាប់៕ ប្រភព៖ AF

    ភ្ជាប់ទំនាក់ទំនងជាមួយ CTS SPORT