ក្រុ Liverpool នឹងលេងពាន២ផ្សេងគ្នា ដោយខុសពេលគ្នាមិនដល់២៤ម៉ោងផង នៅខែធ្នូឆ្នាំ២០១៩ខាងមុខនេះ។
បន្ទាប់ពីប្រជុំជាមួយខាង EFL មក ក្រុម Liverpool សម្រេចថានឹងលេងពាននេះនៅថ្ងៃ១៧ខែធ្នូឆ្នាំ២០១៩ខាងមុខនេះ មុនតែ១ថ្ងៃប៉ុណ្ណោះដែលក្រុមហង្សក្រហមនេះ លេងពាន FIFA Club World Cup នៅប្រទេសកាតា។ ដើម្បីលេងទាំងពីរពាននេះបាន លោក Klopp បានបញ្ជាក់ថាគ្មានជម្រើសអ្វីក្រៅពីចែកក្រុម Liverpool ជា២ក្រុមដើម្បីលេងពាន២ផ្សេងគ្នា សឹងតែជាន់ថ្ងៃគ្នាបែបនេះនោះទេ។
ដូច្នេះមិនចម្លែកឡើយសម្រាប់ការប្រកួត League Cup ទល់ក្រុម Aston Villa នៅវគ្គ៨ក្រុមចុងក្រោយ គឺក្រុម Liverpool នឹងប្រើប្រាស់កីឡាករយុវជនរបស់ខ្លួនជាក់ជាមិនខាន។ លោក Klopp ធ្លាប់ចង់លុបការប្រកួត League Cup នេះចោលថែមទៀតផង បើទាន់ FIFA Club World Cup បែបនេះ ប៉ុន្តែដោយសារតែមានការសម្រួលគ្នា ទើបលោកព្រមលេងពានទាំងពីរដូច្នេះ៕ប្រភព៖ Dailymail