ស្របពេលដែលកុងត្រានៅ LA Galaxy របស់ Zlatan Ibrahimovic ត្រូវផុតនៅចុងខែធ្នូ ក៏រុញឲ្យចចាមអារ៉ាមជុំវិញការវិលត្រលប់មកចូលរួមនៅលីគអឺរ៉ុបសម្រាប់ខ្ញីចាស់វ័យ ៣៩ ឆ្នាំកាន់តែលេចលឺខ្លាំងឡើង។
តាមសារព័ត៌មាន Marca បានចុះផ្សាយវីរបុរសសញ្ជាតិស៊ុយអែតអាចនឹងមានភាគរយត្រលប់មកចូលរួមនៅ AC Milan វិញនាខែមករានេះ។ កន្លងទៅប្រធានផ្នែកកីឡាលោក Paolo Madlini ក៏និយាយដែរថា Zlatan ជាកីឡាករក្នុងក្តីស្រមៃ ហើយក្រុមប្រឹក្សាភិបាលរបស់ក្លឹបក៏បង្ហាញការចាប់អារម្មណ៍លើ Zlatan ខ្លាំងថែមទៀតផង។
រំឭកថា Zlatan បានចាកចេញពី Barcelona មកចូលរួមនៅ AC Milan នៅលក្ខខណ្ឌខ្ចីជើងនាឆ្នាំ ២០១០ រហូតដល់ឆ្នាំ ២០១២ ទើបដើរចេញផ្លាស់ទៅ PSG។ អំឡុងពេលបង្ហាញខ្លួន ៨៥ ប្រកួតរកបាន ៥៦ គ្រាប់ជួយឲ្យក្រុមឈ្នះពាន Serie A រដូវកាល ២០១០/១១ ជាមួយពាន Supercoppa Italiana៕ ប្រភព៖ SportBible