លោក Valverde កំពុងមានសម្ពាធខ្លាំង ក្រោយពីដឹកនាំក្រុមចាញ់ក្រុម Levante ក្នុងលទ្ធផល ៣-១ នាការប្រកួតពានរង្វាន់ La Liga កន្លងទៅនេះ។
កាសែតនៅអេស្ប៉ាញជាច្រើនបានចុចឈ្មោះអ្នកនេះអ្នកនោះ ថានឹងមកដឹកនាំក្រុម Barcelona ជំនួសតំណែងរបស់លោក Valverde ។ ស្របពេលសាមីខ្លួនវិញ ក៏ចេញមុខមកនិយាយពីបញ្ហាកំពុងជួបប្រទះដែរថា៖ “ពេលអ្នកចាញ់ អ្នកតែងតែមើលមកគ្រូបង្វឹក។ នេះជារឿងដែលខ្ញុំបានដឹង។ នៅថ្ងៃយើងចាញ់ Levante យើងបានគ្រប់គ្រប់ការប្រកួត យើងនៅមិនទាន់ល្អតំបន់ប្រយុទ្ធ ហើយយើងនឹងពង្រឹងវាវិញ”។
Valverde មានសម្ពាធច្រើន តាំងពីលេងចាញ់ក្រុម Liverpool នៅពានរង្វាន់ UEFA Champions League ម្ល៉េះ ដែលឈ្នះគេច្រើនគ្រាប់ក្នុងដីហើយ បែរជាភ្លាត់ចាញ់ច្រើនគ្រាប់វិញនៅក្រៅដី។ អ្នកគាំទ្រជាច្រើនមិនសប្បាយចិត្តចំពោះរឿងនេះ ហើយប្រកួតបន្ទាប់ប្រសិនបើក្រុមធ្វើមិនបានល្អទេ នោះកៅអីអ្នកចាត់ការកាន់តែឡើងកម្ដៅខ្លាំងហើយ៕ប្រភព៖ Marca