ក្រុម Liverpool នឹងត្រូវធ្វើដំណើរទៅប្រទេសកាតានៅពាក់កណ្ដាលខែធ្នូឆ្នាំ ២០១៩ខាងមុខនេះ ដើម្បីលេងពានរង្វាន់ FIFA Club World Cup ។
ការទៅលេងនៅទីនោះដែរ ក្រុមហង្សក្រហម ត្រូវបានគេឱ្យទៅសម្រាកនៅសណ្ឋាគារ Marsa Malaz Kempinski លំដាប់ផ្កាយ៥ ប៉ុន្តែក្លឹបនេះបានបដិសេធទៅហើយ។ ការបដិសេធនេះ គឺដោយសារតែប្រវត្តិនៃការសាងសង់សណ្ឋាគារនេះ គឺមានការរំលោភសិទ្ធិមនុស្សខ្លាំង។
កាសែតអង់គ្លេសនៅឆ្នាំ ២០១៨បានចុះផ្សាយព្រោងព្រាតពីការប្រើប្រាស់កម្លាំងពលកម្មលើសកម្រិត និងតម្លៃប្រាក់ឈ្នួលទាប ក្នុងការសាងសង់អគារនេះ។ កម្មករត្រូវធ្វើការ១ថ្ងៃ១២ម៉ោង ក្រោមកម្ដៅថ្ងៃ៤៥អង្សាសេ។ ហើយប្រាក់ពលកម្មរបស់ពួកគេវិញ ត្រឹមតែ៨ផោន (១០ដុល្លារ)ប៉ុណ្ណោះក្នុង១ថ្ងៃ។
ដោយសារតែរឿងរំលោភតម្លៃពលកម្មនិងសិទ្ធិមនុស្សនេះហើយ ទើបបានជា Liverpool មិនអាចសម្រាកនៅសណ្ឋាគារនេះបាន ហើយបានស្នើសុំប្ដូរទៅកន្លែងផ្សេងវិញ៕ប្រភព៖ Dailymail