កាលពីចុងសប្ដាហ៍កន្លងទៅនេះ Pep Guardiola អ្នកចាត់ការក្រុម Manchester City បាននិយាយថាខ្សែប្រយុទ្ធ Mane របស់ក្រុម Liverpool ចូលចិត្តធ្វើពុតជាដួលដើម្បីបានបាល់ពិន័យណាស់។
ក្រោយពីដឹងថាលោក Pep និយាយបែបនេះដាក់កីឡាករខ្លួន លោក Klopp ក៏មិននៅយូរដែរ ចេញមុខមកឆ្លើយតបវិញភ្លាមៗតែម្ដង។ អ្នកចាត់ការសញ្ជាតិអាល្លឺម៉ង់បានតបទៅវិញថា៖ “ខ្ញុំសឹងតែមិនជឿលើរឿងនេះ។ ខ្ញុំមិនច្បាស់ថា Pep និយាយបែបនេះដាក់ Mane ឬដាក់ក្រុមទាំងមូល។ ហើយខ្ញុំមិនច្បាស់ទៀតថា ខ្ញុំត្រូវខឹងខ្លាំងកម្រិតណា។ ខ្ញុំមិនចូលចិត្តលើករឿងនេះទេ ហើយខ្ញុំក៏នឹងមិននិយាយពីការធ្វើពុតដួលកីឡាករណាម្នាក់ដែរ”។
រំលឹកថានៅប្រកួតបន្ទាប់នេះ ក្រុម Liverpool នឹងត្រូវប៉ះក្រុម Man City ហើយ។ វាជាប្រកួតសំខាន់មួយ ព្រោះ Liverpool នៅលេខ១ ស្របពេល Man City នៅលេខ២។ គម្លាតពិន្ទុក្រុមទាំងពីរ គឺមាន៦ពិន្ទុ៕ប្រភព៖ Dailymail
