Arsenal បានស្មើជាមួយក្លឹប Wolves ១-១ រុញឲ្យគម្លាតពិន្ទុធ្លាក់កានតែឆ្ងាយបើធៀបនឹងក្រុម Top 4 ដែល Chelsea នៅលេខ ៤ មានដល់ទៅ ២៣ ពិន្ទុ។ ជុំវិញបញ្ហានេះ លោក Emery ដែលជាអ្នកចាត់ការក៏មានភាគរយច្រើនអាចនឹងត្រូវចាកចេញនៅពេលខាងមុខផងដែរ។
តាមរបាយការណ៍ក្រៅស្រុកបានចុះផ្សាយថាក្លឹប Arsenal បានដាក់កំហិតដល់អតីតអ្នកចាត់ការក្លឹប Paris Saint-Germain នៅករណីដែលមិនអាចឈោងយកតំណែង Top 4 មុនពេលថ្ងៃបុណ្យណូអែលអំឡុងចុងខែធ្នូទេនោះ តំណែងរបស់លោកនឹងត្រូវចប់ហើយ។
៥ ប្រកួតចុងក្រោយ Arsenal បានត្រឹមឈ្នះ ១ ស្មើ ២ ចាញ់ ២ បច្ចុប្បន្នហាក់ជោគជ័យខ្លាំងតែនៅ Europa League ស្របពេលពាន EFL ក៏ត្រូវរបូត ហើយបើគម្លាតពិន្ទុនៅ EPL ដាច់ឆ្ងាយធៀប Top 4 ទៀត នោះគឺជាបញ្ហាដែលត្រូវដោះស្រាយឲ្យបានឆាប់រហ័សបំផុត។ លោក Jose Mourinho ក៏ជាបេក្ខភាពមួយរូបដែលអាចមកជំនួសតំណែងលោក Emery ផងដែរ៕ ប្រភព៖ Sportsmole
