លោក Niko Kovac ទើបតែរបូតតំណែងជាអ្នកចាត់ការក្លឹប Bayern Munich នៅថ្មីៗនេះ ក្រោយពីបរាជ័យទល់ Frankfurt ក្នុងលទ្ធផលស្ពឹកមុខ ៥-១។
បែបណាមិញអ្នកចាត់ការទំនេរជើងធំៗ ៣ រូបក៏សម្លឹងមកកាន់តំណែងនេះបន្តពីលោក Kovac ស្របពេលដែលនៅ Bundesliga ការប្រកួតក៏ទើបឈានដល់ជុំទី ១០ ប៉ុណ្ណោះ។
ក្នុងនោះមានលោក Massimiliano Allegri ដែលចាកចោលតំណែងជាមួយនឹង Juventus ក្រោយពេលបញ្ចប់រដូវកាល ២០១៨/១៩ លើកពាន Serie A លើកចុងក្រោយជាមួយនឹង Cristiano Ronaldo។ រីឯ Arsene Wenger ត្បិតមានវ័យចំណាស់បន្តិចមែន ប៉ុន្តែភាពជោគជាំក្នុងការដឹកនាំ ជាពិសេសជាមួយក្លឹប Arsenal គឺលោកចាយពេលមិនចេះតិចឆ្នាំ បែបនេះក៏មានសង្ឃឹមអាចទាញឲ្យ Bayern ឡើងមកឈរកំពូលតារាងវិញដែរ។
មិនខុសពីលោក Jose Mourinho ដែលបាត់បង់តំណែងគ្រូបង្វឹកតាំងពីខែធ្នូ ឆ្នាំ ២០១៨ ត្រូវបានគេដឹងថារង់ចាំតែតំណែងអ្នកចាត់ការនៅក្លឹបធំៗប៉ុណ្ណោះ ត្បិតអីមានក្លឹបកម្រិតមធ្យមជាច្រើនបានព្យាយាមទាក់ទាញចង់បានលោកក៏ដោយ៕ ប្រភព៖ BeSoccer