ខ្សែប្រយុទ្ធ Antoine Griezmann បានចូលលេងជួយក្រុម FC Barcelona ដែរ ប៉ុន្តែបែរជាចាញ់ក្រុម Levante ដល់ទៅ ៣-១ ទៅវិញក្នុងការប្រកួត La Liga សប្ដាហ៍មុន។
ក្រុម Barcelona របូតដល់ទៅ៣គ្រាប់ត្រឹមពេល១០នាទីប៉ុណ្ណោះក្នុងការលេងទល់ក្រុម Levante កន្លងទៅនេះ។ វាជាការបរាជ័យមួយដែលធ្វើឱ្យក្រុមអ្នកមានបុណ្យបាត់៣ពិន្ទុយ៉ាងសំខាន់ ដោយបច្ចុប្បន្ននេះមានពិន្ទុស្មើក្រុមលេខ២ Real Madrid ។ ក្រោយពីចប់ការប្រកួតនេះ លោក Valverde ដែលជាអ្នកចាត់ការក្រុម Barcelona បានបញ្ជាក់ថាមិនមានចិត្តចង់លាឈប់ពីតំណែងឬអីនោះទេ ព្រោះវាគ្រាន់តែជាបរាជ័យធម្មតាប៉ុណ្ណោះ។
ជាមួយគ្នានោះដែរ កីឡាករចំណូលថ្មី Griezmann បាននិយាយរឿងប្រកួតខាងលើនេះដែរថា៖ “យើងមិនមានអ្វីពន្យល់ទេ។ យើងនឹងមើលពីកំហុសរបស់យើង ហើយត្រលប់មកធ្វើការទៀត។ ខ្ញុំមិនដឹងទេ ប្រសិនវាជាបញ្ហាបាល់ទាត់ កាយវិការរបស់យើង ឬអ្វីផ្សេង ដែលធ្វើឱ្យរបូតគ្រាប់បាល់៣គ្រាប់ក្នុងពេល១០នាទី។ វាជារឿងដែលតែងតែកើតមានបានជានិច្ចក្នុងវិស័យបាល់ទាត់”៕ប្រភព៖ Foxsportsasia
