Andre Gomes បានរងរបួសបាក់ជើង ក្រោយពីប៉ះទង្គិចគ្នាជាមួយខ្សែប្រយុទ្ធSon Heung-min ក្នុងការប្រកួតពានរង្វាន់លីគកំពូលអង់គ្លេសកាលពីយប់មិញនេះ។
សម្រាប់ការប្រកួតដែលក្រុម Everton ស្មើ Spurs ១-១ នោះ មានការប៉ះទង្គិចគ្នាខ្លាំងមួយបានកើតឡើង។ ដោយ Gomes ត្រូវបាន Son បង្កកំហុសលើរហូតដល់បាក់ជើងឯណោះ។ ក្រោយពីឃើញហេតុការរន្ធត់នេះ Son ដែលត្រូវទទួលបានកាតក្រហមចំពោះការប្រជែងយកបាល់របស់ខ្លួននោះ ដើរចេញពីទីលានដោយទឹកភ្នែក ត្បិតអីរូបគេមិនមានចេតនាបង្ករឿងនេះកើតឡើងឡើយ។
លោក Marco Silva អ្នកចាត់ការក្រុម Everton បានបញ្ជាក់ថាបច្ចុប្បន្នមិនទាន់ដឹងច្បាស់ពីរបួសនេះនៅឡើយទេ។ ដោយបច្ចុប្បន្នកីឡាកររបស់ខ្លួនកំពុងស្នាក់នៅមន្ទីរពេទ្យ និងតាមដានយ៉ាងយកចិត្តទុកដាក់បំផុត៕ប្រភព៖ Dailymail