ក្រុម Real Madrid កាលពីយប់មិញនេះលេងបានត្រឹមស្មើក្រុម Real Betis ០-០ ប៉ុណ្ណោះក្នុងពានរង្វាន់ La Liga ដែលធ្វើឱ្យពួកគេបាត់ឱកាសឡើងទៅកំពុលតារាង។ការរបូតឱកាសនេះដែរ មិនបានធ្វើឱ្យលោក Zidane អន់ចិត្តអ្វីឡើយ។ ផ្ទុយទៅវិញ លោកមើលឃើញថាក្រុម Real Madrid បច្ចុប្បន្នមានឆន្ទៈលេង និងគោលដៅច្បាស់លាស់ហើយ ប៉ុន្តែអ្វីដែលខ្វះនោះគឺសំណាងដើម្បីរកគ្រាប់បាល់បញ្ចូលទីប៉ុណ្ណោះ។ អ្នកចាត់ការសញ្ជាតិបារាំងបានបន្ថែមទៀតថា Betis ជាក្រុមល្អ មានកីឡាករឆ្នើមៗច្រើន។
ការលេងស្មើពួកគេនេះ គឺមិនអាក្រក់ពេកនោះទេ។គិតត្រឹមសប្ដាហ៍ទី១១នេះ ក្រុម Real Madrid ឈរនៅលេខ២មាន២២ពិន្ទុស្មើជាមួយក្រុម Barcelona ដែរ។ ដោយសារតែមានគ្រាប់បាល់ចំណេញតិចជាងក្រុមអ្នកមានបុណ្យទើបធ្វើឱ្យក្រុមលោក Zidane នៅចំណាត់ថ្នាក់លេខ២នេះ៕
ប្រភព៖ Marca