លោក Jurgen Klopp បាននិយាយថាបច្ចេកវិទ្យា VAR ទៅថ្ងៃអនាគត គឺជាអ្នកកំណត់វាសនាការងាររបស់គ្រូបង្វឹកជាក់ជាមិនខាន។ការប្រកួតដែលក្រុម Liverpool ឈ្នះក្រុម Aston Villa ២-១ កាលពីយប់មិញនេះ មានរឿងច្រើនកើតឡើង ជាពិសេសការតវ៉ារឿងគ្រាប់បាល់ចូលហើយ ប៉ុន្តែត្រូវបានបដិសេធដោយ VAR វិញតែម្ដង។ ចំពោះរឿងនេះលោក Klopp បាននិយាយថាការកាត់ក្ដីដោយវីដេអូជំនួយអាជ្ញាកណ្ដាលនេះ ពេលខ្លះក៏ធ្វើឱ្យការប្រកួតពិបាកផងដែរ។
លោកបានបន្ថែមទៀតថាប្រសិនបើមិនមានការកែប្រែខ្លះទេ នៅថ្ងៃអនាគត វានឹងក្លាយខ្លួនជាអ្នកកាត់ក្ដីអាជីពរបស់អ្នកចាត់ការថែមទៀត។ ដោយពេលនោះ ទម្រង់លេងរបស់ក្រុមលែងមានសារសំខាន់ទៀតហើយ អ្វីដែលសំខាន់នោះគឺ VAR តែម្ដង ជាអ្នកកំណត់ចាញ់ឈ្នះក្នុងការប្រកួត៕
ប្រភព៖ DailyMail