តារាឆ្នើមរបស់ក្លឹប Tottenham Hotspur គឺកីឡាករ Son Heung-min បានក្លាយឈ្មោះជាអត្តពលិកដែលទទួលបានសារគាំទ្រច្រើនជាងគេបើធៀបនឹងអត្តពលិកកូរ៉េខាងត្បូងដទៃទៀត តាមរយៈលទ្ធផលបោះឆ្នោតមួយចុះផ្សាយនៅថ្ងៃព្រហស្បតិ៍។
Son ឈរលេខ ១ ទទួលបានសំឡេងគាំទ្រប្រមាណ ៣៥ ភាគរយ ស្របពេលអត្តពលិកផ្នែក Baseball គឺ Ryu Hyun-jin ឈរលេខ ២ មាន ១៤ ភាគរយ និងអត្តពលិកចូលនិវត្តន៍ផ្នែកកីឡាជិះស្គី Kim Yu-na ឈរលេខ ៣ មាន ១២ ភាគរយ។ ក្នុងនោះដែរអតីតតារាឆ្នើម Park Ji-Sung របស់ក្លឹប Man Utd ក៏ទទួលបានសំឡេងគាំទ្រ ៨ ភាគរយឈរនៅលេខបន្ទាប់ផងដែរ។
រំឭកថា Son ជាកីឡាករឡើងជើងមួយរូបនៅប៉ុន្មានឆ្នាំចុងក្រោយ បន្ទាប់ពីជួយឲ្យ Spurs ឡើងដល់វគ្គផ្តាច់ព្រ័ត្រ UCL រដូវកាលចាស់ និងជួយកូរ៉េខាងត្បូងស៊ុតយកឈ្នះអាល្លឺម៉ង់ ២-០ នៅប្រកួត FIFA World Cup ២០១៨។ ជាងនេះ Son បានជួយឲ្យជម្រើសជាតិឈ្នះមេដាយមាសនៅ Asian Games ក្នុងប្រទេសឥណ្ឌូណេស៊ីថែមទៀតផង៕ ប្រភព៖ AF