• Pique៖ ​កីឡាករ barca ​ព្រម​ពន្យារ​ពេល​បើក​លុយ ​ដើម្បី​ក្រុម​អាច​យក Neymar ​មក​វិញ​

    ខ្សែ​ការពារ​ Pique ​បាន​បញ្ជាក់​ថា​ក្រុម​កីឡាករ Barcelona ​ទាំង​អស់ ព្រម​ពន្យារ​ពេល​បើក​លុយ ​ប្រសិន​បើ​អាច​ធ្វើ​ឱ្យ​ក្លឹប​នាំ​យក Neymar ​ត្រលប់​មក​វិញ​បាន។

    ក្រុម Barcelona ​បាន​ធ្វើ​គ្រប់​យ៉ាង​ដើម្បី​ឱ្យ​ការ​ផ្ទេរ Neymar ​មក​អេស្ប៉ាញ​វិញ​កើត​ឡើង ប៉ុន្តែ​គួរ​ឱ្យ​សោកស្ដាយ​នាទី​ចុង​ក្រោយ ​ត្រូវ​រំសាយ​ទៅ​វិញ។ Pique ​បាន​និយាយ​រឿង​ផ្ទេរ​នោះ​ថា ​ក្រុម​កីឡាករ​ទាំង​អស់​បាន​ប្រាប់​ទៅ​ក្លឹប ​ពួកគេ​សុខ​ចិត្ត​ពន្យារ​ពេល​បើក​ប្រាក់​ប្រចាំ​សប្ដាហ៍​សិន ​ដើម្បី​ឱ្យ​ក្លឹប​អាច​ឈាន​ដល់​ការ​ទិញ​កីឡាករ​ប្រេស៊ីល​វិញ​នៅ​រដូវ​ក្ដៅ​កន្ងល​ទៅ។ តែ​គួរ​ឱ្យ​ស្ដាយ ​នៅ​តែ​មិន​អាច​ធ្វើ​បាន ​ហើយ Neymar ​ក៏​ត្រូវ​ក្រុម PSG ​ទុក​លេង​១​រដូវ​កាល​ទៀត។

    កីឡាករ​ជម្រើស​ជាតិ​​ប្រេស៊ីល​ខាង​លើ​នេះ ​បាន​និយាយ​ត្រង់​ៗ​ថា​រូបគេ​ចង់​ចេញ​ពី PSG ​ដើម្បី​ត្រលប់​ទៅ​លេង​ឱ្យ​ក្រុម Barcelona ​វិញ។ ក្រុម PSG ​ក៏​មិន​ឃាត់​ដែរ​ចំពោះ​រឿង​នេះ ប៉ុន្តែ​ពួកគេ​លក់​ក្នុង​តម្លៃ​ថ្លៃ ទើប​បាន​ជា​ក្រុម​អ្នក​មាន​បុណ្យ​មិន​អាច​ចុះ​កុងត្រា​យក​បាន ត្បិត​អី​ពួកគេ​បាន​ចំណាយ​ប្រាក់​ច្រើន​រួច​ទៅ​ហើយ​លើ​ការ​នាំ​ចូល​កីឡាករ​ថ្មី​ៗ៕ប្រភព៖ Bbc


    ភ្ជាប់ទំនាក់ទំនងជាមួយ CTS SPORT