ខ្សែប្រយុទ្ធ Cristiano Ronaldo ស៊ុតបាល់ប៉េណាល់ទីនាទី៩០+៦ ជួយក្រុម Juventus ឡើងឈរកំពូលតារាងវិញ ក្រោយពីឈ្នះក្រុម Genoa ២-១។
សម្រាប់ការប្រកួតនេះ ក្រុម Juventus លេងក្នុងដីខ្លួនឯង សឹងតែធ្វើឱ្យអ្នកគាំទ្រខកបំណងទៅហើយ ព្រោះ Bonucci រកបានគ្រាប់បាល់នាទី៣៦ ស្រាប់តែ Kouame រកគ្រាប់បាល់តាមស្មើឱ្យ Genoa បានវិញ។ លទ្ធផលស្មើគ្នា ១-១ នេះ អូសបន្លាយរហូតដល់នាទី៩០+៦ ក៏ Ronaldo ទទួលបានបាល់ប៉េណាល់ទី១គ្រាប់យកឈ្នះបាន ២-១ តែម្ដង។
តាមលទ្ធផលនេះធ្វើឱ្យក្រុម Juventus ឡើងឈរនៅលេខ១កំពូលតារាងវិញហើយ ដោយឈ្នះពិន្ទុក្រុម Inter Milan ១ពិន្ទុប៉ុណ្ណោះ។ មួយវិញទៀត វាក៏ជាជ័យជម្នះមួយធ្វើឱ្យក្រុមរបស់លោក Sarri មិនទាន់ស្គាល់ចាញ់ផងដែរ៕ប្រភព៖ Dailymail