ក្រុម FC Barcelona បានយកឈ្នះលើក្រុម Real Valladolid ៥-១ យ៉ាងងាយស្រួលបំផុត ដើម្បីយកតំណែងលេខ១កំពូលតារាងវិញក្នុងការប្រកួតសប្ដាហ៍ទី១០នេះ។
៥គ្រាប់ដែលធ្វើបានកាលពីយប់មិញនេះ គឺមាន២គ្រាប់ចេញពីជើងរបស់ Messi ផ្ទាល់។ អ្វីដែលពិសេសទៀតនោះ យប់មិញប្រធានក្រុមរូបនេះរកគ្រាប់បាល់បានដោយ Free-Kick ចូលទៀតហើយ។ វាជាគ្រាប់បាល់ Free-Kick ទី៥០ហើយក្នុងអាជីពបាល់ទាត់របស់ Messi ។ ដោយចំនួន៥០នេះ គឺមាន៤៤គ្រាប់នៅក្រុម Barcelona និង៦គ្រាប់ទៀតជាមួយក្រុមជម្រើសជាតិអាហ្សង់ទីន។
រំលឹកថាបើករដូវកាលពេល Messi កំពុងរងរបួស ក្រុម Barcelona ធ្វើមិនបានល្អឡើយ ដោយបរាជ័យនិងស្មើជាប់រហូត។ យ៉ាងណាមិញ តាំងពី Messi អាចលេងវិញបាន ក្រុមអ្នកមានបុណ្យ ពិតជាខ្លាំង និងទទួលបានជ័យជម្នះរហូតដល់ឈរនៅកំពូលតារាងវិញបាន៕ប្រភព៖ Dailymail
