Joel Matip នឹងអវត្តមានឱ្យក្រុម Liverpool រហូតដល់ចង់ខែវិច្ឆិកាឆ្នាំ២០១៩នេះឯណោះ ក្រោយពីរងរបួសជង្គង់ធ្ងន់ធ្ងរ។
កីឡាករវ័យ២៨ឆ្នាំអវត្តមាន២ប្រកួតមកហើយ ក្រោយពីមានបញ្ហាជង្គង់ពេលលេងទល់ក្រុម Sheffield United ។ ដោយឡែកក្លឹបហង្សក្រហម បានចេញមកបញ្ជាក់ពីស្ថានភាពកីឡាកររូបនេះ ថានឹងត្រូវនៅក្រៅទីលានរហូតដល់៦សប្ដាហ៍ទៀត ទើបអាចត្រលប់មកជួយក្រុមវិញបាន។ ៦សប្ដាហ៍នេះ គឺមានន័យថាខ្សែការពារនេះ នឹងមិនអាចលេងទល់ក្រុម Man City ដែលជាជំនួបសំខាន់បានឡើយ។
លោក Klopp នឹងយក Dejan Lovren មកជំនួសតំណែងរបស់ Matip នេះ ហើយប្រសិនបើចាំបាច់ទៀត លោកនឹងប្រើ Joe Gomez មកលេងក៏បានដែរ ដូចដែលបានប្រើកន្លងទៅនេះ៕ប្រភព៖ Dailymail
