Granada ដែលកំពុងឈរជើងនៅកំពូលតារាង LaLiga អស់រយៈពេលប៉ុន្មានថ្ងៃហើយនោះ នៅរាត្រីឈានចូលព្រឹកថ្ងៃពុធគ្រប់យ៉ាងអាចនឹងប្រែប្រួល បន្ទាប់ពីជំនួបជុំទី ១០ របស់ Barcelona ត្រូវចាប់ផ្ដើម ខណៈ At Madrid ជុំទី ១១ ក៏លេងក្នុងពេលតែមួយដូចគ្នា។
នាវេលាម៉ោង ០១:០០ នាទីព្រឹកថ្ងៃពុធ Alaves ត្រូវស្វាគមន៍ក្រុមភ្ញៀវ Atletico ខណៈ Barcelona ត្រូវស្វាគមន៍ Real Valladolid ក្នុងទឹកដី Camp Nou។
ប្រសិនអ្នកមានបុណ្យអាចទទួលជ័យជម្នះ នោះ ៣ ពិន្ទុនឹងរុញឲ្យខ្លួនឡើងមកឈរកំពូលតារាង LaLiga វិញ ហើយ Granada អាចនឹងធ្លាក់មកលេខ ២ ឬលេខ ៣ វិញ។ នេះយើងមិនទាន់រាប់ក្លឹប Real Madrid ដែលសល់ ១ ប្រកួតក្នុងដៃដូចគ្នា តែស្តេចសប៉ះ Leganes នៅថ្ងៃព្រហស្បតិ៍ ក្រោយខកខានប្រកួតចុងសប្តាហ៍ដោយសារការពន្យារពេល El Clasico៕