Manny Pacquiao និង Jack Ma ចាប់ផ្ដើមបោះសម្ដីទៅកាន់ Floyd Mayweather ហើយ ដើម្បីជំរុញឱ្យអ្នកប្រដាល់អាមេរិកឡើងសង្វៀនវិញនៅពេលខាងមុខនេះ។រឿង Pacquiao និង Floyd គ្រោងឡើងសង្វៀនប្រកួតជាថ្មីនេះ ផ្ទុះឡើងកាលពីខែមុន ហើយក៏ស្ងាត់ទៅវិញ ព្រោះ Floyd មិនមានការតបតអ្វីឡើយ។ ដោយឡែកនៅម្សិលមិញនេះ ក៏មានវីដេអូខ្លីមួយ ដែល Pacquiao កំពុងបង្ហាត់លោក Jack Ma មហាសេដ្ឋីរបស់ប្រទេសចិន។
ក្នុងវីដេអូនោះ អ្នកប្រដាល់ហ្វីលីពីនបានបោះសម្ដីថា៖ “ប្រសិនបើអ្នកចង់ប្រកួតពិតមែន ប្រកួតជាមួយខ្ញុំ…ប្រសិនបើអ្នកគ្រាន់តែចង់បង្អួតទេ ប្រកួតជាមួយមិត្តរបស់ខ្ញុំទៅ (Jack Ma)”។ជាមួយគ្នានោះដែរ សេដ្ឋីប្រាក់វាល់លានរបស់ចិន ក៏បាននិយាយដែរថា៖ “យេស ខ្ញុំត្រៀមរួចហើយ គ្រប់ពេល គ្រប់កន្លែង ក្រុមរបស់ Manny ត្រៀមរួចរាល់ហើយ”៕
ប្រភព៖ DailyMail