ខ្សែប្រយុទ្ធ Lionel Messi បានបញ្ជាក់ថាការចាញ់នៅក្លឹបក្នុងប្រទេសអេស្ប៉ាញគឺជារឿងធម្មតាប៉ុណ្ណោះ ប៉ុន្តែនៅជម្រើសជាតិអាហ្សង់ទីនវិញ បើចាញ់មិនអាចចេញពីផ្ទះបានឡើយ។ប្រធានក្រុម Barcelona បានលើកឡើងថារូបគេមិនមែនជាអ្នកចូលចិត្តរកគ្រាប់បាល់ឡើយ។ លោកចូលចិត្តគ្រប់គ្រងបាល់និងចែកបាល់លេងច្រើនជាងគេ ស្ថិតនៅក្នុងប្រអប់ដើម្បីរកគ្រាប់បាល់។ ប្រសិនបើមិនបានប៉ះបាល់យូរ នោះ Messi នឹងដើរចេញពីទីលានប្រកួតតែម្ដង។ បុរសវ័យ៣២ឆ្នាំនេះ ថាបច្ចុប្បន្នខ្លួនកំពុងតាមដានការប្រកួត និងវិភាគថាប្រកួតណាត្រូវលេងយ៉ាងណា ដើម្បីឈ្នះ។
ជាមួយរឿងលេងប្រកួតនេះដែរ Messi ក៏បានលើករឿងមួយប្រាប់ទៅអ្នកគាំទ្រដែរថា ការប្រកួតនៅអេស្ប៉ាញក្រុមអាចចាញ់បាន កីឡាករអាចដើរហើរបាន ប៉ុន្តែនៅជម្រើសជាតិអាហ្សង់ទីនគឺខុសគ្នា។ ប្រសិនបើកីឡាករលេងចាញ់ មិនអាចចេញពីសណ្ឋាគារ ឬផ្ទះបានទេ ព្រោះនឹងមានអ្នកគាំទ្រចាំគប់របស់មកលើមិនខាន។ វាកើតឡើងគ្រប់ប្រទេសទាំងអស់នៅអាមេរិកខាងត្បូង៕
ប្រភព៖ Marca