ក្រុម Manchester City បានយកឈ្នះលើក្រុម Aston Villa ក្នុងលទ្ធផល ៣-០ កាលពីសប្ដាហ៍ទី១០ពានរង្វាន់លីគកំពូលអង់គ្លេស។ត្បិតតែឈ្នះដាច់យ៉ាងនេះមែន ប៉ុន្តែវាមិនធ្វើឱ្យលោក Pep ដែលជាអ្នកចាត់ការពេញចិត្តនឹងលទ្ធផលឡើយ។ លោកបញ្ជាក់ថាប្រសិនបើលេងដូចប្រកួតនេះ នោះក្រុម Man City អាចនឹងធ្លាក់ដល់តំបន់កាត់ចោលមិនខាន។ ការនិយាយបែបនេះ គឺដោយសារតែក្រុមទាំងមូលលេងមិនសហការគ្នា យល់ចិត្តគ្នាបានល្អឡើយ។
អតីតអ្នកចាត់ការ Barcelona បានលើកឡើងថា៖ “លេងរបៀបនេះយើងអាចគ្រប់គ្រងបានត្រឹមរយៈពេលខ្លី ប៉ុន្តែសម្រាប់រយៈពេលយូរ ខ្ញុំមិនដឹងនោះទេ។ ច្បាស់ណាស់បើលេងជាមួយក្រុមធំៗ ហើយអ្នកលេងដោយមិនច្បាស់ពីតំបន់ខ្លួនឯងទេ នោះខ្ញុំមិនអាចស្រមៃចេញលទ្ធផលឡើយ។ យើងអាចធ្លាក់ដល់តំបន់កាត់ចោល បើសិនជាយើងនៅលេងដូចថ្ងៃមុន”៕
ប្រភព៖ DailyMail
