• (VDO) Man Utd រំ​កិល​ចូល​តារាង Top 10 វិញ ​ក្រោយ​យក​ឈ្នះ Norwich ៣-១

    ៣ ពិន្ទុ​ដ៏​មាន​តម្លៃ​សម្រាប់ Manchester United កាល​ពី​យប់​មិញ បាន​រុញ​ឲ្យ​ក្លឹប​មាន​មូលដ្ឋាន​នៅ​ទីក្រុង Stretford រំកិល​ចូល​តារាង Top 10 ឈរ​លេខ​រៀង​ទី ៧ បណ្តោះ​អាសន្ន។

    United ​បាន​មាន​ឱកាស​វាយ​សម្រុក​ច្រើន​នៅ​យប់​មិញ ដោយ ២១ លើក​នៃ​ការ​ស៊ុត​សរុប ចំ​គោលដៅ​ដល់​ទៅ ១១ លើក ហើយ​ក៏​ខកខាន​ការ​ស៊ុត​បាល់​ប៉េណាល់ទី​ផ្ទួន​គ្នា ពោល​គឺ​សមត្ថភាព​អ្នកចាំទី​របស់ Norwich គឺ​ពិត​ជា​មិន​ណយ។

    ការ​សម្រេច​គ្រាប់​បាល់​ដំបូង​ធ្វើ​ឡើង​នៅ​នាទី ២១ ដោយ​កីឡាករ Scott McTominay ដែល​នេះ​ជា​គ្រាប់​បាល់​ទី ២ ០០០ របស់​បិសាច​ក្រហម រហូត​ដល់​នាទី ៣០ ទើប Marcus Rashford បន្ថែម​មួយ​គ្រាប់​ទៀត។ ចូល​ដល់​តង់​ទី​ពីរ Anthony Martial របស់​ក្រុម​ភ្ញៀវ​ស៊ុត​យក ៣-០ នៅ​នាទី ៧៣ តែ​ដល់​នាទី ៨៨ ត្រូវ Onel Hernandez ​តាម​បាន​ ១។

    ទស្សនា​វីដេអូ​ខាង​ក្រោម៖

    ភ្ជាប់ទំនាក់ទំនងជាមួយ CTS SPORT