ព្រះអង្គម្ចាស់រជ្ជទាយាទអារ៉ាប៊ីសាអ៊ូឌីត Mohammed bin Salman បានដាក់សំណើទិញយកក្លឹប Manchester United ជាច្រើនលើកមកហើយ ក្នុងតម្លៃខ្ពស់កប់ពពកតែម្ដង។បើទោះជាកន្លងមក មានការច្រានចោលរឿងខាងលើនេះក្ដី ក៏មានប្រភពមួយចំនួនបញ្ជាក់ថាក្រុមការងាររបស់ក្លឹប Man Utd បានទៅអារ៉ាប៊ីសាអ៊ូឌីត ដើម្បីជជែកគ្នាដែរ។ ខ្សែរាជវង្សសំបូរធនធានខាងលើនេះ ជាអ្នកតាមដានបាល់ទាត់ម្នាក់ ហើយព្រះអង្គជាអ្នកគាំទ្រក្លឹបបិសាចក្រហមផ្ទាល់តែម្ដង។ កាលពីពេលកន្លងទៅ ព្រះអង្គម្ចាស់ Mohammed bin Salman ដាក់ទិញក្លឹប Man Utd នេះក្នុងតម្លៃជាង៣ពាន់លានផោនឯណោះ។
ដោយព្រះអង្គថានឹងនាំក្រុមបិសាចក្រហម មកកាន់ចំណុចកំពូលឡើងវិញផងដែរ។គេនៅចាំបានថាគ្រួសារ Glazers នេះទិញក្លឹប Man Utd នៅឆ្នាំ២០០៣ ក្នុងតម្លៃប្រមាណជា៧៩០លានផោនប៉ុណ្ណោះ។ តម្លៃនេះ ប្រសិនបើពួកគេលក់ឱ្យព្រះអង្គម្ចាស់ អារ៉ាប៊ីសាអ៊ូឌីតមែន នោះនឹងចំណេញរាប់ពាន់លានផោនតែម្ដង៕
ប្រភព៖ DailyMail