ក្លឹប Manchester United បានបញ្ជាក់យ៉ាងច្បាស់ថានឹងមិនទិញយក Gareth Bale ឡើយ ដោយសារតែខ្សែប្រយុទ្ធរូបនេះមានបញ្ហារបួសច្រើនពេក ហើយតម្លៃក៏ថ្លៃថែមទៀត។ប្រភពបានបញ្ជាក់ថាក្លឹប Real Madrid នឹងដាក់លក់កីឡាករវ័យ៣០ឆ្នាំខាងលើនៅខែមករាឆ្នាំ២០២០ ឱ្យតែមានក្លឹបណាចង់បាន។ ដោយឡែក Man Utd ដែលធ្លាក់ទាក់ទងចង់ទិញកាលពីពេលកន្លងទៅនោះ ក៏បង្ហាញចំណាប់អារម្មណ៍ផ្លាស់ប្ដូរគោលដៅដែរ។ ពួកគេលែងចង់បានអតីតកីឡាករ Spurs នេះទៀតហើយ បើទោះជាតម្លៃទាបក៏ដោយ។
ការមិនចង់បាននេះ គឺមកពី Bale មានកំណត់ត្រារបួសខ្លាំងពេក រហូតដល់ក្លឹបដទៃទៀតបានហៅគេថា ជាកែវ ទៅហើយ ព្រោះងាយនឹងរបួសខ្លាំងណាស់។ កីឡាករជម្រើសជាតិវែលនេះ របួស២១ដងហើយនៅ Real Madrid ហើយកន្លែងដែលរបួសជាងគេនោះគឺកែងជើង និងសរសៃពួរ៕
ប្រភព៖ DailyMail